پاکستان تحریک انصاف کی رہنما اورسابق وزیر مملکت زرتاج گل کے خلاف فراڈ اور دھوکا دہی کی دفعات کے تحت مقدمہ درج کر لیا گیا۔
ڈی جی خان کے تھانہ بی ایم پی سخی سرور میں ایک شہری ظفر حسین کی درخواست پردرج کیا گیا ہے، مدعی مقدمہ نے الزام عائد کیا کہ زرتاج گل نے سول اسپتال سخی سرور میں نوکری دلوانے کے عوض پانچ لاکھ روپے لیے۔
یہ بھی پڑھیں:۔زرتاج گل کی راہداری ضمانت منظور، عدالت کا گرفتار نہ کرنیکا حکم
شہری ظفر حسین نے کہا کہ ڈھائی سال کا عرصہ گزر جانے کے باوجود تو نوکری دلائی اور نہ ہی رقم واپس کی۔
واضح رہے کہ گزشتہ روز ہی سابق وفاقی وزیر زرتاج گل نےپشاور ہائیکورٹ سے راہداری ضمانت حاصل کی تھی ۔ زرتاج گل صبح سے پشاور ہائیکورٹ میں موجود تھیں، جنہوں نے راہداری ضمانت کیلئے درخواست دائر کر رکھی تھی، ان کے وکلاء نے فوری سماعت کی کوششیں بھی کی تھیں۔
