پاکستان تحریک انصاف (پی ٹی آئی) مقامی قیادت نے سابقہ این اے ون اورموجودہ این اے بتیس پر پارٹی امیدوار لانے کے معاملے پر شیرافضل مروت کو امیدوارتسلیم کرنے سے انکار کردیا ۔
رپورٹس کے مطابق پشاور کے اہم ترین تاریخی حلقے سابقہ این اے ون اورموجودہ این اے بتیس پر پارٹی امیدوار لانے کے معاملے پر تحریک انصاف میں تقسیم واضح ہوگئی مقامی قیادت نے بانی چیئرمین کے مبینہ نامزد کردہ شیرافضل مروت کو امیدوارتسلیم کرنے سے انکار کردیا ہے۔
پی ٹی آئی میں اختلافات کھل کے سامنے آنے لگ گئے پشاورقومی اسمبلی کا حلقہ این اے 32 مقامی قیادت حلقے سے کسی کارکن یا مخلص رہنما کو ٹکٹ دینے کے خواہشمند ہے جبکہ پی ٹی آئی کے شیر افضل مروت اسی حلقے پر کاغذات نامزدگی جمع کرا چکے ہیں۔
ریجن، ضلعے اور سٹی کی تنظیموں کی قیادت شیرافضل مروت کے حق میں نہیں پارٹی کارکن مقامی قیادت میں سے سابق ایم پی اے آصف خان اورعرفان سلیم نے بھی اسی حلقے پر کاغذات جمع کرارکھے ہیں۔
