انڈر19 ایشیا کپ میں قومی ٹیم کل سیمی فائنل میں متحدہ عرب امارات انڈر 19 کے مدمقابل ہو گی، قومی ٹیم نے گروپ میں بھارت، نیپال اور افغانستان کی ٹیموں کو شکست دیکر سیمی فائنل میں جگہ بنائی ہے۔
تفصیلات کے مطابق پاکستان انڈر 19 ٹیم شاندار کارکردگی کی بدولت سیمی فائنل میں پہنچ چکی ہےجہاں کل وہ یواے ای انڈر 19 کے مدمقابل ہوگی۔ سیمی فائنل آئی سی سی اکیڈمی اوول 1 گراؤنڈ میں مقامی وقت کے مطابق صبح ساڑھے نو بجے شروع ہوگا۔ پاکستان کے نوجوان کرکٹرز نے شاندار پرفارمنس دیتے ہوئے اپنے گروپ میں ناقابل شکست رہنے کا اعزاز حاصل کیا۔پاکستان نے نیپال، بھارت اور افغانستان کو شکست دی ہے۔
