پیدائشی شہریت سے متعلق قانونی محاذ پر ناکامی کے بعد ٹرمپ انتظامیہ نے "پلان بی"، پر غور شروع کر دیا۔
امریکی خبررساں ادارےایگزیوس کےمطابق پلان بی کے تحت ان حاملہ خواتین کےامریکا میں داخلے پر پابندی کی تجویز زیرغور ہےجن کےبارے میں شبہ ہوکہ وہ بچےکی پیدائش کےذریعے امریکی شہریت حاصل کرنے کے مقصد سے ملک میں آ رہی ہیں۔
رپورٹ میں واضح کیا گیا ہےکہ ٹرمپ انتظامیہ نے تاحال حاملہ خواتین کے امریکا میں داخلے پر باقاعدہ پابندی عائد نہیں کی،امریکا کو احتیاط سے فیصلہ کرنا ہوگا کہ کون ملک میں داخل ہو سکتا ہے اور کون نہیں۔
ایگزیوس کےمطابق صدرڈونلڈ ٹرمپ اس معاملے پر پہلے ہی کانگریس کو نئی قانون سازی کی ہدایت دے چکے ہیں، جبکہ امریکی محکمہ انصاف بھی "برتھ ٹورازم" اسکیموں کے خلاف تحقیقات مزید تیز کرے گا۔
رپورٹ میں بتایا گیا ہے کہ ہر سال تقریباً 20 ہزار سے 26 ہزار بچے برتھ ٹورازم اسکیموں کے تحت امریکا میں پیدا ہوتے ہیں۔
