ملک میں تیل اور گیس کی پیداوار کے حوالے سے بڑی خوشخبری سامنے آگئی۔ خام تیل کے ذخائر اور گیس کی پیداوار میں اضافہ کردیا گیا۔
سندھ کے ضلع سانگھڑ سے تیل وگیس کے بڑے ذخیرے سے پیدوار شروع ہوگئی۔ اوجی ڈی سی ایل نےپاکستان اسٹاک ایکسچینج کو خط لکھ کراہم پیشرفت سے آگاہ کردیا۔
ترجمان او جی ڈی سی ایل کے مطابق کنویں سے یومیہ ایک کروڑ اسٹینڈرڈ کیوبک فٹ گیس اور یومیہ 600 بیرل خام تیل بھی نکل رہا ہے۔ کنویں میں اوجی ڈی سی ایل کا حصہ 62.5 فیصد،جی ایچ پی ایل کا22.5 فیصد اور او پی ایل کا15فیصد ہے۔
سانگھڑ میں حال ہی میں بوبی ڈیپ ون کنویں سے2000 بیرل تیل کی پیداوار بھی شروع ہوئی ہے، پیدوار کے آغاز سے ملکی تیل وگیس کے قدرتی ذخائرمیں اضافہ ہوگیا۔ ماہرین کے مطابق پیداوار سے تیل وگیس ک طلب ورسد کا فرق کم اور قیمتی زرمبادلہ کی بچت ہوگی۔
