اسرائیل لبنان امن معاہدے کو سبوتاژ کرنے پر تل گیا،جنوبی علاقوں پر بمباری،تازہ حملوں میں مزید پانچ شہری شہید،متعدد زخمی ہوگئے۔
تفصیلات کےمطابق صیہونی فوج نے لبنان پر تازہ حملوں میں ضلع نبطیہ کےقصبوں کو نشانہ بنایا،جس کے نتیجےمیں مزید پانچ شہری شہید ہوگئے۔
یادرہےکہ اسرائیل اورحزب اللہ کے درمیان گزشتہ روزسیزفائرہوا تھا،اسی حوالے سے امریکی انٹیلیجنس نے رپورٹ میں خبردار کیا تھا اسرائیل امن معاہدے کو سبوتاژ کر سکتا ہے۔
واشنگٹن پوسٹ کی رپورٹ کےمطابق اسرائیلی وزیراعظم نیتن یاہوپرلبنان میں فوجی کاررائیاں جاری رکھنے کیلئےسیاسی دباؤ ہے،اسرائیل کوئی ایسا اقدام کرسکتا ہےجو امریکا ایران حتمی معاہدے میں رکاوٹ بنےگا۔
امریکی میڈیا کے مطابق ٹرمپ انتظامیہ کے حکام مبینہ طور پر اسرائیلی اپوزیشن رہنماؤں کے ساتھ رابطے کر رہےہیں،ان میں ایسے افراد بھی شامل ہیں جو اسرائیل میں وزیرِاعظم نیتن یاہوکوسیاسی طور پر سخت ٹائم دے سکتے ہیں۔
