وزیراعظم شہباز شریف نے پیپلز پارٹی کو گلگت بلتستان میں حکومت بنانے کی دعوت دیتے ہوئے کہا کہ ن نے لیگ گلگت بلتستان اسمبلی میں اپوزیشن میں بیٹھنے کا فیصلہ کیا ہے ۔
تفصیلات کے مطابق ن لیگ جی بی میں حکومت سازی پر پیپلز پارٹی کی حمایت کرتی ہے، پیپلز پارٹی گلگت بلتستان میں اکثریتی جماعت بن کر سامنے آئی ہے، ہمارے منتخب اراکین پیپلز پارٹی کو حکومت بنانے کیلئے ووٹ دیں گے، جمہوری روایات اور اقدار کو مقدم رکھتے ہوئے فیصلہ کیا ہے، ن لیگ نے ہمیشہ اپنی حلیف جماعتوں سے عزت و احترام کا رشتہ برقرار رکھا۔
بلاول بھٹو نے وزیراعظم کے گلگت بلتستان میں حکومت سازی سےمتعلق بیان کا خیر مقدم کرتے ہوئے کہا کہ پیپلز پارٹی کی گلگت بلتستان میں اکثریت کو تسلیم کرنا جمہوری روایت کا تسلسل ہے، وزیراعظم کے حکومت بنانے کی دعوت کے مثبت اقدام کو قدر کی نگاہ سے دیکھتے ہیں، گلگت بلتستان کا گورنر اور ڈپٹی اسپیکر کا عہدہ مسلم لیگ ن کا ہو گا، پیپلزپارٹی گلگت بلتستان کے عوام کی خدمت میں تمام صلاحتیں بروئے کار لائے گی، پیپلز پارٹی حق ملکیت،حق روزگار اور آئینی حقوق کے تحفظ کو ممکن بنائے گی، پیپلز پارٹی اپنی ذمہ داری خوش اسلوبی سے نبھائے گی۔
