ملک کے بیشتر علاقوں میں موسم گرم اور خشک رہنے کا امکان ہے تاہم محکمہ موسمیات کی جانب سے پنجاب، خیبرپختونخوا اور بلوچستان کے چند مقامات پر بارش کی پیشگوئی کی گئی ہے۔
محکمہ موسمیات کے مطابق آج اسلام آباد میں موسم گرم اور جزوی طور پر ابر آلود رہنے کے ساتھ بارش کا امکان ہے۔ خیبرپختونخوا کے دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، مانسہرہ اور ایبٹ آباد سمیت چند مقامات پر بارش ہوسکتی ہے۔
پنجاب کے اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، وزیرآباد، لاہور، شیخوپورہ، سیالکوٹ اور نارووال میں بھی چند مقامات پر بارش کا امکان ظاہر کیا گیا ہے۔
سندھ کے بیشتر اضلاع میں موسم گرم اور خشک رہے گا جبکہ بالائی سندھ میں شدید گرمی برقرار رہنے کی توقع ہے۔ بلوچستان کے بیشتر علاقوں میں موسم خشک رہنے کی پیشگوئی کی گئی ہے، تاہم ژوب، شیرانی، بارکھان اور موسیٰ خیل میں چند مقامات پر بارش ہوسکتی ہے۔
