وفاقی دارالحکومت اسلام آباد کے مختلف علاقوں میں موسلا دھار بارش اور بعض مقامات پر ژالہ باری ہوئی، جس کے باعث گرمی کی شدت میں نمایاں کمی آ گئی اور موسم خوشگوار ہو گیا۔
اسلام آباد کے مختلف علاقوں میں طوفانی بارش سے جل تھل ایک ہوگیا،سیکٹر ایف-8، ایف-10، جی-9 سمیت شہر کے دیگرعلاقوں اور گرد و نواح میں ریکارڈ کی گئی، بارش کے بعد شہریوں نے سکھ کا سانس لیا جبکہ موسم ٹھنڈا اور خوشگوارہوگیا،
محکمہ موسمیات کےمطابق راولپنڈی اسلام آباد میں مجموعی طور پر 17 ملی میٹر بارش ریکارڈ کی گئی،سب سےزیادہ بارش شمس آبادمیں 39 ملی میٹر ہوئی،ایچ8میں 32،گوالمنڈی میں 28، کٹاریاں میں 26ملی میٹر بارش ہوئی،محکمہ موسمیات کےمطابق بارش کا سلسلہ آج اور کل بھی جاری رہنے کا امکان ہے۔
محکمہ موسمیات کاکہنا ہےکہ راولپنڈی،مری،گلیات،اٹک،چکوال،جہلم،گجرات،گوجرانوالہ،لاہور، شیخوپورہ، سیالکوٹ،نارووال،ساہیوال،جھنگ چنیوٹ،فیصل آباد،اوکاڑہ،قصور،خوشاب،سرگودھا میں بھی بارش کا امکان ہے۔
محکمہ موسمیات کےمطابق بھکر،میانوالی،ڈیرہ غازی خان اورملتان میں بارش کا امکان ہے،سندھ کے بیشتراضلاع میں موسم خشک،بالائی اضلاع میں شدید گرم رہنےکا امکان ہے،جبکہ بلوچستان کے جنوبی اضلاع میں موسم شدید گرم رہنے کی توقع ہے۔
