صدرمملکت آصف علی زرداری سے وزیرِاعظم شہباز شریف کی ملاقات کا اعلامہ جاری کر دیا گیاہے جس میں کہا گیاہے کہ ملاقات میں ملک کی مجموعی صورتحال،افغانستان سے متعلق امور اور خطے کی بدلتی صورتحال پر تبادلہ خیال کیا گیا۔
اعلامیہ کے مطابق ملاقات میں نائب وزیرِاعظم و وزیرِ خارجہ اسحاق ڈار،اسپیکر قومی اسمبلی ایازصادق ، وزیرِ داخلہ محسن نقوی،وزیرِقانون اعظم نذیر تارڑ،سلیم مانڈوی والا اور ڈاکٹر عاصم بھی موجود تھے۔
ملاقات میں ملک کی مجموعی صورتحال،افغانستان سے متعلق امور اور خطے کی بدلتی صورتحال پر تبادلہ خیال کیا گیا جبکہ معرکۂ حق کے شہداء اور مسلح افواج کی پیشہ وارانہ صلاحیتوں کو خراجِ تحسین پیش کیا گیا۔
اعلامیہ کے مطابق ملاقات کے دوران قومی دفاع پر غیر متزلزل عزم کا اعادہ کیا گیا۔ صدر مملکت نے کہا کہ مشکل صورتحال اور سپلائی چین متاثر ہونے کے باوجود عوام کو ریلیف فراہم کیاجائے۔
صدرِمملکت نے مہنگائی میں کمی،اشیائے ضروریہ کی دستیابی اور ریلیف کیلئے اقدامات کی ہدایت کی ۔
