ترجمان این ڈی ایم اے کے مطابق آئندہ 12سے 24 گھنٹوں کے دوران پنجاب اور خیبر پختونخوا میں بارش کا امکان ہے۔ آزادکشمیر اور گلگت میں بھی بارش اور ژالہ باری متوقع ہے۔
اعلامیے کے مطابق اسلام آباد، مری، راولپنڈی، اٹک، چکوال ، تلہ گنگ، گوجر خان، جہلم، سیالکوٹ میں گرج چمک کے ساتھ بارش متوقع ہے۔ گجرات، گوجرانوالہ، حافظ آباد میں بھی گرج چمک کے ساتھ بارش کا امکان ہے۔
منڈی بہاؤالدین، لاہور، قصور، میانوالی میں گرج چمک کے ساتھ بارش متوقع ہے، سرگودھا، جھنگ، لیہ اور ملتان میں گرج چمک کے ساتھ بارش کا امکان ہے۔
چترال، دیر، سوات، کالام، مینگورہ، ملاکنڈ، بٹگرام، مانسہرہ، ایبٹ آباد، ہری پور، نوشہرہ، پشاور، مردان، باجوڑ، چارسدہ، کوہاٹ، بنوں، لکی مروت، ٹانک اور ڈی آئی خان میں بارش متوقع ہے۔ خیبرپختونخوا کے بعض مقامات پر ژالہ باری کا بھی خدشہ ہے، بڑھتے درجہ حرارت سے گلیشیئرز اور گلیشیائی جھیل پھٹنے کا اندیشہ ہے۔
محکمہ موسمیات کے مطابق سندھ کے بیشتر اضلاع میں موسم شدید گرم اور خشک رہنے کا امکان ہے، سندھ کے وسطی اور جنوبی اضلاع میں تیز گردآلود ہوائیں چلنے کی توقع ہے۔ بلوچستان کے بیشتر اضلاع میں موسم گرم اور خشک رہنے کا امکان ہے تاہم ژوب، موسیٰ خیل، بارکھان، لورالائی میں ہلکی بارش ہوسکتی ہے۔
کراچی میں موسم شدید گرم ہوائیں بھی گرم ہیں محکمہ موسمیات کی شہریوں کو احتیاط کی ہدایت کردی، محکمہ موسمیات کے مطابق آج زیادہ سے زیادہ درجہ حرارت 43 ڈگری تک جانے کا امکان ہے، شہری غیر ضروری طور پر گھروں سے باہر نہ نکلیں۔
