سندھ بلڈنگ کنٹرول اتھارٹی نے کمرشل پلاٹس اور عمارتوں سے متعلق نئی ہدایات جاری کردیں۔
کراچی بلڈنگ اینڈ ٹاؤن پلاننگ ریگولیشنز میں ترامیم نافذ کرکے فوری عملدرآمد کا حکم دے دیا۔ نوٹیفکیشن کے مطابق فائنل کنسٹرکشن پرمٹ، کمپلیشن پلان اور این او سی سے قبل نئے قواعد پر عمل لازمی قرار دیا گیا ہے۔
گیارہ فروری2026ء کے ترمیمی نوٹیفکیشن کے بعد ایڈیشنل ڈی جی کی جانب سے نیا حکم نامہ جاری کردیا گیا، زیرالتوا اور آئندہ تمام کمرشل کیسز پر بھی نئے قواعد لاگو ہوں گے۔
پارکنگ، پلاٹس سب ڈویژن اور کمرشل تعمیرات کے ضوابط مزید سخت ہوگئے۔ فائرسیفٹی قوانین سخت، سول ڈیفنس اور فائر بریگیڈ این او سی لازمی قرار دیدیا گیا۔
پبلک سیل، انڈسٹریل اور امینٹی منصوبوں کیلئے جدید فائر فائٹنگ سسٹم لازم ہے، خلاف ورزی پر متعلقہ افسران کے خلاف سروس رولز2016کے تحت کارروائی ہوگی۔
