بندرگاہ پر رش کم کرنے کےلیے کراچی پورٹ ٹرسٹ اورنجی ٹرمینلز کی جانب سے نیلامی کےقابل کنٹینرز پر 100 فیصد ڈیمرج معاف کرنے کا فیصلہ کیا گیا ہے ۔ ترجمان کے مطابق فیصلے کا مقصد کراچی کے ذریعے بڑھتے ہوئے ٹرانس شپمنٹ کارگو کو مؤثرطور پر سنبھالنا ہے۔
ترجمان کے پی ٹی کے مطابق کراچی پورٹ ٹرسٹ اور نجی ٹرمینلزآپریٹرز کے درمیان تعمیری مشاورت کے بعد بندرگاہ پررش کو کم کرنے کے لیے نیلامی کے قابل اورنیلام شدہ کنٹینرز پر ڈیمرج چارجز مکمل طور پرمعاف کرنے کا فیصلہ کیا گیا ۔ بشرطیکہ یہ کنٹینرز نیلامی کے 7 دن کے اندر کلیئر کر لیے جائیں۔
ترجمان کے مطابق توقع ہے کہ فیصلے سے پاکستان کسٹمز کو طویل عرصے سے زیر التوا کنٹینرز کی کلیئرنس میں تیزی لانے میں مدد ملے گی جبکہ تجارتی اور لاجسٹکس کے شعبے کو بھی خاطر خواہ سہولت فراہم ہوگی ، نیلامی کےقابل کارگو کی تیز رفتار کلیئرنس سے بندرگاہ پر جمع شدہ کنٹینرز کے باعث پیدا ہونے والا رش کم کرنے میں مدد ملے گی۔
