سعودی عرب میں پھنسے 91 پاکستانی وطن روانہ ہوگئے، سفارت خانہ پاکستان کی کاوشوں سے فلائٹس کی دستیابی اور مسافروں کو رہائش اور کھانا فراہم کیا گیا ۔
سعودی عرب میں پاکستانی سفارت خانہ کے مطابق سعودی عرب میں موجودہ حالات کے پیش نظر پھنسے پاکستانیوں کے لیے مختلف سہولیات فراہم کی جا رہی ہیں جن میں سعودی حکام سے ملکر فلائٹس کی ری شیڈول سمیت مسافروں کو ہوٹلوں میں رہائش اور کھانا فراہم کرنا شامل ہے تاکہ پاکستانی مسافر پردیس میں بہتر انداز سے وقت گزار سکیں۔
سفارت خانہ پاکستان کے مطابق آج 91 پاکستانی مسافروں کو دارالحکومت ریاض کے کنگ خالد انٹرنیشنل ایئرپورٹ سے وطن واپس روانہ کیا گیا ہے۔
