وزیراعظم شہباز شریف نے سعودی ولی عہد محمد بن سلمان سے ٹیلی فونک رابطہ کیا ہے جس دوران ایران پر حملے اور خلیجی صورتحال پر تشویش کا اظہار کرتے ہوئے امن کے لیے کردار ادا کرنے کی پیشکش کی۔
وزیراعظم شہباز شریف نے سعودی ولی عہد محمد بن سلمان سے ٹیلی فونک گفتگو میں ایران پر اسرائیلی حملوں کے بعد خطے میں پیدا شدہ کشیدگی کی سخت مذمت کی۔ سعودی عرب اور خلیجی ممالک سے مکمل اظہار یکجہتی کرتے ہوئے کشیدہ صورتحال میں امن کے لیے کردار ادا کرنے کی پیشکش بھی کر دی۔ وزیراعظم نے کہا کہ پاکستان خطے میں امن کے لئے تعمیری کردار ادا کرنے کو تیار ہے۔ اس عزم کا اعادہ بھی کیا کہ پاکستان سعودی عرب کی خودمختاری، سلامتی اور علاقائی سالمیت کے تحفظ کے لیے حمایت جاری رکھے گا۔ شہباز شریف نے دعا کی کہ رمضان المبارک کی برکتوں کے طفیل خطے میں جلد از جلد امن، استحکام اور ہم آہنگی قائم ہو۔
