ایس ای سی پی کی جانب سے تیسری سہ ماہی کی کیپیٹل مارکیٹ سے متعلق رپورٹ جاری کر دی گئی ، بتایا گیا ہے کہ عالمی بحران اور امریکا ایران جنگ کے باوجود کیپیٹل مارکیٹ مستحکم رہی ۔
رپورٹ کے مطابق جنگی حالات سے برینٹ خام تیل تیرہ فیصد ، یوایس سافٹ ویئراسٹاک تئیس فیصد گرے ۔ پاکستان اسٹاک مارکیٹ میں مجموعی طور پر ساڑھے چودہ فیصد کمی ریکارڈ کی گئی ۔ کےایس ای انڈیکس جنوری میں ایک لاکھ 91ہزار 13 پوائنٹس کی تاریخی بلند ترین سطح پر پہنچا ۔ سہ ماہی کے اختتام پر ہنڈرڈ انڈیکس ایک لاکھ اڑتالیس ہزار سات سو تینتالیس پوائنٹس پر بند ہوا ۔ اسٹاک مارکیٹ کیپٹلائزیشن انیس کھرب انہتر ارب روپے سے کم ہو کر سولہ کھرب تریپن ارب روپے ہوئی ۔ غیرملکی سرمایہ کاروں نے ایک سو گیارہ ارب اکسٹھ کروڑ روپے کے حصص فروخت کئے ۔
مقامی سرمایہ کاروں نے اسٹاک مارکیٹ کو سہارا دیا ۔ مقامی سرمایہ کاروں نے ایک سو گیارہ ارب پچپن کروڑ روپے کی خالص خریداری کی ۔ نیشنل بینک ایک سو بیاسی ارب بیالیس کروڑ روپے کی ٹریڈنگ کے ساتھ سرفہرست رہا ۔
