امریکی صدر ڈونلڈ ٹرمپ نے مذاکرات ناکامی کی صورت میں ایران کے خلاف فوجی کارروائی کیلئے خطے میں ایک اور بحری بیڑہ تعینات کرنے سے خبردار کر دیا۔
امریکی صدرڈونلڈٹرمپ نےمیڈیا سے گفتگو میں کہا ایران کے ساتھ کسی معاہدے پرنہ پہنچے تو سخت کارروائی کرنا پڑے گی،مشرق وسطیٰ میں ایک اور بحری بیڑا اور اضافی فوج کی تعیناتی پرغور کررہے ہیں۔
وال اسٹریٹ جرنل کےمطاقب ٹرمپ انتظامیہ دباؤ بڑھانے کیلئے ایرانی تیل بردار جہازوں کو قبضے میں لینے پرغور کررہی ہے،دوسری جانب اسرائیلی وزیراعظم صدر ٹرمپ سےملاقات کیلئے واشنگٹن پہنچ گئے،ایران کے ساتھ مذاکرات سمیت مشرق وسطیٰ کی صورتحال پر تبادلہ خیال ہوگا۔
مغربی کنارے پرکنٹرول بڑھانے کی اسرائیلی فیصلے کے خلاف عالمی سطح پر آوازیں اٹھنے لگی،کینیڈا کی جانب سے اسرائیلی فیصلے کی مذمت کی گئی ہے،واضح کیا کہ اسرائیلی اقدام بین الاقوامی قوانین اور عالمی اصولوں کے منافی ہے،اقدام سے خطے میں امن کی کوششوں کو شدید نقصان پہنچ سکتا ہے۔
