اسپیکر ایاز صادق کی زیرصدارت قومی اسمبلی کے اجلاس میں بلوچستان واقعات اور امن و امان کی صورتحال پر بحث ہوئی جس دوران وزیر دفاع خواجہ آصف نے اظہار خیال کرتے ہوئے کہا کہ بلوچستان میں آبادی دور دور ہے، بلوچستان سے کہیں زیادہ بلوچ پنجاب اور دیگرصوبوں میں آباد ہیں، بیانیہ بنایا گیا جتنے یہ دہشتگرد مارے گئے لاپتہ افرادکی فہرست میں تھے، باقی لاپتہ افراد خلیجی ممالک میں بیٹھےہیں جو یہ بیانیہ بنا رہے ہیں۔
وزیردفاع کا کہناتھا کہ جو رائفلزز برآمد ہوئی ہیں ان کی قیمت 20 لاکھ سے زائد ہے، یہ امریکی ساختہ اسلحہ ہے،کون ان کو مہیا کر رہا ہے؟، یہ اتنامہنگا اسلحہ ہم لوگ بھی خرید نہیں سکتے، جولوگ ایران زیارتوں کیلئے جاتےہیں،شناختی کارڈ چیک کر کے مارا گیا، جعفر ایکسپریس حملے غریب مزدوروں کو نشانہ بنایا گیا، جرائم پیشہ گروہوں اور اسمگلرز کو تحفظ صرف بی ایل اے دیتی ہے، بی ایل اے بلوچستان میں اسمگلرزکا ملٹری ونگ ہے۔
وزیردفاع خواجہ آصف نے کہا کہ بلوچستان میں کسی جرائم پیشہ عناصر کی کوئی جگہ نہیں، یقین دہانی کراتا ہوں کہ ان کے ساتھ کسی قسم کے مذاکرات نہیں ہوں گے، ان کو پوری قوت کے ساتھ جواب دیا جائے گا، ایسا پیغام جانا چاہیے اپنی بہادر افواج اور اپنی فورسزکے ساتھ ہیں، ہم کسی جرائم پیشہ گروہ کو دوبارہ سر نہیں اٹھانے دیں گے، ایوان سے ایسا پیغام جانا چاہیے اختلافات بھلا کر پارلیمنٹ پیچھے کھڑی ہو، یہ نا ہو کہ ہم جنازےاٹھائیں اور کوئی سیاسی عنصر جنازہ بھی نہ پڑھنے جائے، دہشتگردی کے معاملے پر قوم کو ایک ہونا چاہیے، پارلیمنٹ میں ایک عرصہ گزارا ہے،اس ادارے نے ہمارا قد کاٹھ بڑھایا ہے۔
خواجہ آصف کا کہناتھا کہ اپنے سیاسی اختلافات الگ رکھ کر کے ون پوائنٹ ایجنڈا پر اکٹھا ہونا ہو گا، ہمارے بہادر افواج آج بھی ہماری حفاظت کیلئے کھڑے ہیں، ہر روز لوگوں کی سفارشیں کر رہے ہوتے ہیں اس کو یہاں سےتبدیل کر دیں، افواج بغیر کسی سفارش کے دور دراز علاقوں میں ڈیوٹیاں کر رہی ہیں، اس ایوان میں بےحسی ہے ہم عوام سے کیا امید رکھیں، ایوان کی غیرسنجیدگی ہمارے کردارکی عکاسی ہے۔
انہوں ے کہا کہ کے پی میں بھی ٹرانزٹ ٹریڈ مافیاہے،انکوائری کرائیں، کریمنل مافیا اتنا طاقتور ہو جاتا ہے اور بی ایل اے کی مدد لیتاہے، کوئٹہ میں پٹرول پمپ پر ایرانی پٹرول فروخت ہوتا رہا ہے، بلوچستان میں 177 دہشتگرد مارے گئے،لوگوں کو بسوں سے اتار کرما راجاتا ہے، ایوان کو کردار اداکرنا ہوگا، ورنہ ہم مکمل طور پرغیرمتعلق ہوجائیں گے۔
