وزیراعظم شہباز شریف کا آبی ذخائر کےعالمی دن پرپیغام میں کہا آبی ذخائرہرملک میں شدید ماحولیاتی اور معاشی مسائل سے نمٹنے میں اہم کردار ادا کرتے ہیں،اور پاکستان عالمی قوانین کی پاسداری کرتے ہوئے سندھ طاس معاہدے کے مکمل نفاذ پر یقین رکھتا ہے۔
وزیراعظم شہباز شریف نےاپنےپیغام میں کہاعالمی دن آبی ذخائر کےدیرپا تحفظ اور انتظام کےعزم کے اعادہ کا موقع دیتاہے،اس سال کاموضوع ’’آبی ذخائراورروایتی علم، ثقافتی ورثےکی پاسداری‘‘ ہے، یہ عنوان ہمیں آبی ذخائر کےثقافتی پس منظر اوراہمیت کی یاد دلاتا ہے،پانی کو جنگی ہتھیار کےطورپر استعمال کرنا عالمی قوانین کی سنگین خلاف ورزی ہے،پاکستان پانی کو جنگی ہتھیار کے طور پر استعمال کرنے کو یکسر مسترد کرتا ہے۔
وزیراعظم شہبازشریف نےکہاآبی ذخائر خشک سالی،سیلاب اورشدید موسمیاتی تغیر سے بچاؤ میں معاون ہی نہیں،حیاتیاتی تنوع کے تحفظ اور ماحولیاتی تغیر سےبچاؤ کا ذریعہ بھی ہیں،لاکھوں پاکستانیوں کے لیے آبی ذخائرذریعہ معاش اور روزمرہ زندگی کا لازمی حصہ ہیں،آبی ذخائرکا تحفظ محض ماحولیاتی فرض نہیں،انفرادی اوراجتماعی فلاح کا ضامن بھی ہے،عالمی دن پرعہدکیا جائےکہ انفرادی اور اجتماعی سطح پر آبی ذخائر کے تحفظ کی بھرپور کوشش کی جائے گی۔
