پاکستانی کرکٹر امام الحق اور ڈاکٹر انمول محمود آج لاہور میں ایک پُر وقار تقریب میں شادی کے بندھن میں بندھ گئے۔
پاکستان کرکٹ ٹیم کے اوپنر امام الحق اور پاکستانی نژاد نارویجن ڈاکٹر انمول محمود نے اپنی شادی کے کچھ انتہائی خوشگوار لمحات کی تصاویر سوشل میڈیا پر شیئر کیں۔
دولہا امام الحق نے پیسٹل گرین جبکہ دلہن انمول نے پیسٹل پنک رنگ کا خوبصورت لباس زیب تنگ کیا ہے، انمول نے سلور اور گولڈ کڑھائی کے ساتھ پتھروں سے مزین ساڑھی پہنی اور اسی رنگ کا دوپٹے سے سر ڈھانپ رکھا تھا۔
دلکش زیورات نے دلہن کے انداز کو مزید مسحور کن بنادیا، فیشن کے جاری رجحانات کو دیکھتے ہوئے دلہن نے کم میک اپ کا انتخاب کیا۔
دلہن میک اپ آرٹسٹ زہرا سرفراز کے لاہور میں سیلون ’’گلیم جینسی‘‘ سے تیار ہوئیں جبکہ ان کا لباس زینب سلمان اسٹوڈیوز کا تیار کردہ تھا۔
دولہا امام الحق نے پیسٹل سبز رنگ کی شیروانی پہن رکھی تھی جس میں میچنگ جوتے اور سر پر پگڑی تھی، شیروانی پر نازک کڑھائی تھی جس نے لباس کو مزید خوبصورت بنادیا جبکہ دولہا نے ڈبل شیڈز والا چشمہ بھی پہن رکھا تھا۔
Today, we've not only become partners for life but have also solidified the bond of best friendship, which has always been the foundation of our love story. Today, I not only married my best friend ,but also found my forever home in your heart. Keep us in your prayers.💍💫❤️ pic.twitter.com/DXHYqKeAUB
— Imam Ul Haq (@ImamUlHaq12) November 25, 2023
کرکٹر اور ان کی نوبیاہتا دلہن نے اپنی زندگی کے اس بڑے دن کی تصاویر کے ساتھ سوشل میڈیا پر پیارے سے کیپشن کے ساتھ شیئر کیں۔ جس میں انہوں نے لکھا کہ ’’آج، ہم ناصرف زندگی کے پارٹنر بن گئے ہیں بلکہ بہترین دوستی کے بندھن کو بھی مضبوط کیا ہے، جو ہمیشہ سے ہماری محبت کی کہانی کی بنیاد رہی ہے‘‘۔
انہوں نے یہ بھی لکھا کہ ’’آج، میں نے ناصرف اپنے بہترین دوست سے شادی کی، بلکہ آپ کے دل میں اپنا ہمیشہ کیلئے گھر بھی پایا، اس محبت کیلئے ہمیشہ شکر گزار ہوں جو ایک دوستی کی طرح محسوس ہوتی ہے اور ایک دوستی جو ہماری سب سے بڑی نعمت ہے، ہمارا یہ سفر محبت، مسکراہٹ اور نہ ختم ہونے والے خوابوں کا حسین امتزاج ہے، ان شاء اللہ۔ ہمیں اپنی دعاؤں میں یاد رکھیں‘‘۔
مداحوں اور ناظرین نے تبصروں کے سیکشنز میں نوبیاہتا جوڑے کیلئے محبت اور نیک خواہشات کا اظہار کیا گیا۔
واضح رہے کہ قومی ٹیم کے بیٹر امام الحق کی شادی کی تقریبات کا آغاز شاندار قوالی نائٹ سے ہوا تھا، کرکٹ کی دنیا کی اہم شخصیات بشمول بابر اعظم، عثمان قادر، سرفراز احمد، کامران اکمل، مشتاق احمد اور انضمام الحق بھی تقریبات میں شریک ہوئے۔
