پاکستان کرکٹ بورڈ نے بنگلہ دیش کے ٹی20 ورلڈ کپ میچز کی میزبانی میں دلچسپی ظاہر کردی۔
پی سی بی ذرائع کے مطابق اگر سری لنکا کے وینیوز دستیاب نہ ہوئے تو پاکستان کے وینیوز مکمل طور پر تیار اور دستیاب ہیں،پاکستان پہلے ہی کامیابی کے ساتھ چیمپئنز ٹرافی اور آئی سی سی ویمنز کوالیفائر کی میزبانی کرچکا ہے اور ان میچز کی میزبانی بھی باآسانی کرسکتا ہے،پاکستان کے تمام وینیوز ٹی20 ورلڈ کپ میچز کی میزبانی کے لیے مکمل طور پر تیار ہیں۔
بنگلہ دیش نےاپنے ورلڈ کپ میچز کے لیے بھارت کا سفر نہ کرنے کا فیصلہ کیا ہے،بنگلہ دیش کرکٹ بورڈ نے بھارت میں ٹیم کی سیکیورٹی پر تحفظات کا اظہار کیا ہے۔آئی سی سی نے تاحال بنگلہ دیش کے میچز کسی اور مقام پر منتقل کرنے یا نہ کرنے کا حتمی فیصلہ نہیں کیا ہے۔
