پاکستان کرکٹ بورڈ نے نیا سینٹرل کنٹریکٹ یکم جولائی 2026 سے 30 جون 2027 تک نافذ العمل ہوگا۔
کرکٹ ویب سائٹس کرک انفو کے مطابق سینٹرل کنٹریکٹ کے لیے وہ کھلاڑی اہل ہوں گے جنہوں نے گزشتہ 12 ماہ کے دوران کم از کم 4 ٹیسٹ، 6 ون ڈے یا 6 ٹی ٹوئنٹی انٹرنیشنل میچز کھیلے ہوں۔
نئے نظام کے تحت کھلاڑیوں کو مختلف ٹریکس میں تقسیم کیا گیا ہے۔ ٹریک اے میں شامل ٹاپ ٹیسٹ اسپیشلسٹ کو ماہانہ 40 لاکھ روپے معاوضہ دیا جائے گا، جبکہ ٹریک اے بی میں ٹیسٹ اور ون ڈے فارمیٹ کے ٹاپ پلیئرز کو ماہانہ 48 لاکھ روپے ملیں گے۔
اسی طرح ٹریک بی سی میں شامل وائٹ بال اسپیشلسٹ کے ٹاپ کھلاڑیوں کو ماہانہ 34 لاکھ روپے ادا کیے جائیں گے، جبکہ ٹریک سی میں شامل ٹی ٹوئنٹی اسپیشلسٹ کا ماہانہ معاوضہ 26 لاکھ روپے مقرر کیا گیا ہے۔ ٹریک سی میں شامل ٹی ٹوئنٹی اسپیشلسٹ کھلاڑیوں کو دنیا بھر میں لاتعداد ٹی ٹوئنٹی لیگز کھیلنے کی اجازت بھی ہوگی۔
نئے سینٹرل کنٹریکٹ میں ابھرتے ہوئے کھلاڑیوں کے لیے بھی خصوصی گنجائش رکھی گئی ہے۔ ٹریک ڈی میں شامل ابھرتے ہوئے کرکٹرز کو ماہانہ 10 لاکھ روپے وظیفہ دیا جائے گا۔
میچ فیس کے حوالے سے بھی نئے نرخ مقرر کیے گئے ہیں، جن کے تحت ٹیسٹ میچ کی فیس 15 لاکھ روپے، ون ڈے انٹرنیشنل کی فیس 7 لاکھ 50 ہزار روپے جبکہ ٹی ٹوئنٹی انٹرنیشنل میچ کی فیس 5 لاکھ روپے ہوگی۔
