اسمارٹ میٹر منصوبے میں مبینہ ساڑھے 6 ارب روپے کی کرپشن اسکینڈل پر ایف آئی اے کی تحقیقات میں اہم پیشرفت سامنے آ گئی ہے۔ ذرائع کے مطابق لیسکو، گیپکو، میپکو اور فیسکو نے ایف آئی اے کو مطلوبہ ریکارڈ فراہم کر دیا ہے۔
ایف آئی اے ذرائع کا کہنا ہے کہ مبینہ طور پر غیرقانونی ٹھیکوں، جعلی دستاویزات اور اختیارات کے ناجائز استعمال پر تحقیقات کی جا رہی ہیں۔ الزام ہے کہ تحلیل شدہ کمپنیوں نے ٹینڈرنگ کے عمل میں غیرقانونی طور پر شرکت کی۔
ذرائع کے مطابق ایف آئی اے نے لیسکو، گیپکو، میپکو اور فیسکو کے افسران سے تقریباً تین گھنٹے تک پوچھ گچھ کی، جبکہ ہر افسر سے 20، 20 سوالات کے تحریری جوابات بھی وصول کیے گئے ہیں۔
ایف آئی اے نے کمپنیوں سے 7 اپریل 2025 کے بعد دیے گئے تمام ٹھیکوں اور ٹینڈرز کا جزوی ریکارڈ بھی حاصل کر لیا ہے۔ ابتدائی تحقیقات میں ٹھیکے دینے کے عمل میں مبینہ طور پر لیسکو افسران کی ملی بھگت کے الزامات سامنے آئے ہیں۔
ذرائع کے مطابق اسمارٹ میٹر منصوبے میں اختیارات کے ناجائز استعمال کے ذریعے قومی خزانے کو کروڑوں روپے کا نقصان پہنچانے کا شبہ ہے۔ لیسکونےنئےاسمارٹ میٹرزکی خریداری میں پیپراقوانین کی سنگین خلاف ورزی کی ۔
