نو مئی کے کیسز کی سماعت کرنے والے جج ارشد جاوید کا تبادلہ کا جاری نوٹیفکیشن منسوخ کر دیا گیا ۔
چیف جسٹس مس عالیہ نیلم کی منظوری کے بعد نیا نوٹیفکیشن جاری کردیا گیا ، رات گئے دونوں ججز کے تبادلے کا نوٹیفکیشن جاری کیا گیا تھا جس کے مطابق انسداد دہشت گردی عدالت لاہور کے جج ارشد جاوید کا تبادلہ بہاولنگر کردیا گیا تھا جبکہ بہاولنگر سے جج آصف بشیر کا تبادلہ لاہور کیا گیا تھا ۔
نئے نوٹیفکیشن میں دونوں ججز کے تبادلے کے احکامات کو منسوخ کردیا گیا ہے ، جج ارشد جاوید لاہور کی انسداد دہشت گردی عدالت میں تعیناتی برقرار رہے گی اور جج آصف بشیر بہاولنگر کے سیشن جج کا تبادلہ بھی منسوخ کردیا گیا۔
