نیشنل ڈیزاسٹر مینجمنٹ اتھارٹی (این ڈی ایم اے) نے ملک کے مختلف علاقوں میں ممکنہ اسموگ کی صورتحال کے پیش نظر الرٹ جاری کر دیا ہے۔
این ڈی ایم اے کے مطابق بڑھتی ہوئی اسموگ کے باعث متعدد شہروں میں ٹریفک کی روانی متاثر ہونے کا امکان ہے، لاہور، فیصل آباد، ملتان، بہاولپور، سیالکوٹ، گوجرانوالہ،شیخوپور ہ میں اسموگ میں شدید اضافہ متوقع ہے۔
راولپنڈی، اسلام آباد سمیت خیبر پختونخوا کے متعدد علاقوں میں دھند میں اضافہ ہوگا، سندھ کے بالائی علاقوں میں بھی دھند میں شدید اضافہ ہو سکتا ہے، 20 دسمبر تک رات اور صبح کے اوقات میں دھند کے باعث حد نگاہ کم ہوگی۔ حکام کے مطابق حد نگاہ کم ہونے کے باعث ٹریفک حادثات کے امکانات بڑھ جاتے ہیں لہٰذا محتاط رہیں۔
این ڈی ایم اے کے مطابق ڈرائیور حضرات شدید دھند کے اوقات میں غیر ضروری سفر سے گریز کریں، دھند کی صورت میں ٹریفک حادثات سے بچاؤ کے لیے احتیاطی تدابیر اپنائیں، این ڈی ایم اے نے متعلقہ اداروں کو دھند کے اثرات سے بچاؤ کیلئے خصوصی اقدامات کی ہدایات کردی۔
