قومی ٹی ٹوئنٹی ٹیم کےکپتان سلمان علی آغا نےکہا ہےکہ ٹی ٹوئنٹی ورلڈکپ سےقبل کسی بڑی تبدیلی کا امکان نہیں،ورلڈکپ کی تیاری درست سمت میں جا رہی ہے، 6 ماہ سے صرف ورلڈ کپ پر فوکس ہے، اب مطلوبہ کمبی نیشن بن چکا ہے۔
قومی ٹی ٹوئنٹی ٹیم کےکپتان سلمان علی آغا نےپی سی بی پوڈ کاسٹ میں گفتگوکرتےہوئےکہاٹی ٹوئنٹی ورلڈ کپ اور 2027کا ون ڈےورلڈ کپ جیتناخواب ہے،کپتانی کےآغازمیں مشکلات پیش آرہی تھیں،کوشش کرتا ہوں پاکستان کیلئے سارے میچز کھیلوں۔
سلمان علی آغا نے کہا ٹیم میں کچھ عرصےسےروٹیشن پالیسی اپنائی ہوئی ہے،کسی کرکٹرکی انجری کی صورت میں متبادل کھلاڑی تیارکررہے ہیں،مائیک ہیسن نےٹیم کا جوکلچربنایا ہےاس کی پہلےکمی تھی، ہیسن مجھےاسلام آبادیونائیٹڈ سےجانتے تھے،کپتان اورکوچ کی کمیسٹری وہیں سی بنی ہوئی تھی،سری لنکا کیخلاف سیریز نوجوان کھلاڑیوں کیلئے فائدہ مند ہوگی۔
انہوں نےمزید کہا بابراعظم کوکبھی کوئی چیزبتانےکی ضرورت پیش نہیں آئی،وہ اچھے اور ورلڈ کلاس بیٹسمین ہیں،انھیں ایک دوست کی طرح دیکھتا ہوں،اسپنرزکواچھا کھیل لیتا ہوں،اسپن کھیلنےمیں آسانی ہوتی ہے،کرکٹ کسی کودیکھ کرشروع نہیں کی،محمد یوسف کی بیٹنگ دیکھنےکا شوق تھا،آسٹریلیا کے مائیکل کلارک کی بیٹنگ بھی پسند تھی،ابھی بھی بیٹنگ دیکھتا ہوں۔
سلمان علی آغا نےکہا اگرآپ کوتینوں فارمیٹ کھیلنا ہےتوفٹنس تو بہت ضروری ہے،آف ڈےمیں دو سیشن میں ٹریننگ کرتا ہوں،صبح میں جم ٹریننگ اورشام میں بیٹنگ ٹریننگ کرتا ہوں،اگرکرکٹرنہیں ہوتا توکیاکرتا،کبھی نہیں سوچا،پڑھائی میں اچھاتھا توشاید میں کرکٹرنہ ہوتا توبزنس مین ہوتا،مجھےنیوزی لینڈ پسند ہے،کراؤڈجنوبی افریقاکا اچھا لگتا ہے،کامیابی نے بہت عزت دی،لوگوں سےپیارملتا ہے، کامیابی نےدوستوں کے ساتھ گھومنا پھرنا چھین لیا ہے۔
