2025 کا آخری سپر مون آج رات پاکستان بھر میں دیکھا جا سکے گا ، جب چاند بیضوی مدار میں زمین کے سب سے قریب ہو تو سپر مون ہوتا ہے۔
سپارکو کے مطابق یہ رواں سال کا تیسرا اور آخری سپر مون ہے جو شام 4 بج کر 58 منٹ پر روشن حالت میں طلوع ہوگا۔ چاند کل صبح 4 بج کر 15 منٹ پر اپنے مکمل عروج پر پہنچے گا، جبکہ شائقین 4 اور 5 دسمبر کی پوری رات اسے باآسانی دیکھ سکیں گے۔
سپارکو کا کہنا ہے کہ آج کی رات چاند کا زمین سے فاصلہ 357218 کلومیٹر ہوگا جس کے باعث سپر مون عام دنوں کے چاند کے مقابلے میں 7.9 فیصد بڑا اور 15 فیصد زیادہ روشن نظر آئے گا۔
جب چاند بیضوی مدار میں زمین کے سب سے قریب ہو تو سپر مون ہوتا ہے، سپر مون کے لئے چاند کا مکمل طور پر روشن ہونا بھی ضروری ہے، قربت کی وجہ سے چاند عام دنوں کے مقابلے بڑا اور زیادہ روشن دکھائی دیتا ہے۔
