ایمان مزاری اور ہادی علی چٹھہ کے خلاف متنازعہ ٹویٹ کیس میں عدالت نے دوبارہ جرح اور اسٹیٹ کونسل کی متفرق درخواستیں مسترد کر دیں۔
ایمان مزاری اور ہادی علی چٹھہ کےخلاف متنازعہ ٹویٹ کیس آخری مرحلےمیں داخل ہوگیا۔ 342 کا بیان جمع کروا دیا گیا ۔ حتمی دلائل کل ہوں گے۔ عدالت نے ملزمان کی بریت ، دوبارہ جرح اور اسٹیٹ کونسل کی متفرق درخواستیں مسترد کر دیں ۔
ایڈیشنل سیشن جج محمد افضل مجوکا نے ایمان مزاری اور ہادی علی چٹھہ کی تینوں درخواستوں پر محفوظ کیا گیا فیصلہ سنایا ۔ بریت، دوبارہ جرح اور اسٹیٹ کونسل سے متعلق درخواستیں مسترد کرنے کے بعد عدالت نے ملزمان سے دفعہ 342 کے تحت بیان کیلئے دو بجے پیش ہونے کا حکم دیا۔
وکیل شیرافضل مروت نے جوابات کے لئے ایک دن کی مہلت کی استدعا کی مگر جج نے فوری جوابات دینے پر زور دیا ۔ تاہم اسٹیٹ کونسل کی ٹیم نے ملزمان کا تین سو بیالیس کا بیان جمع کروا دیا ۔ عدالت نے سماعت حتمی دلائل کے لئے کل تک ملتوی کر دی ۔ کیس کا فیصلہ جمعہ کو ہی سنائے جانے کا امکان ہے۔
