عوام کی جیبوں پر ڈاکا،پیٹرول اور ڈیزل پر عوام سے فی لیٹر دو سو پندرہ روپے اضافی وصول کئے جارہے ہیں۔
دستاویز کےمطابق عوام پیٹرول اورڈیزل کی اصل قیمت سےکہیں زیادہ ادا کرنےپرمجبورہیں،پیٹرولیم ڈیویلپمنٹ لیوی اورمارجن سمیت 215 روپےلیٹرکی اضافی وصولی کی جارہی ہے،پیٹرول کی ایکس ریفائنری قیمت 190 روپے 94 پیسےلیٹرہے،پیٹرول کی قیمت فروخت ریکارڈ 321 روپے 17 پیسے لیٹر تک پہنچ گئی۔
دستاویز کےمطابق پیٹرول پرڈیویلپمنٹ لیوی 84.40 روپےسےبڑھاکر 105.37 روپےکردی گئی،صرف ایک ہفتے میں پیٹرول پر ڈیویلپمنٹ لیوی میں 21 روپےلیٹر تک اضافہ ہوا،کلائمیٹ سپورٹ لیوی،آئل مارکیٹنگ، ڈیلرز اوران لینڈ فریٹ اس کےعلاوہ ہیں،ہائی اسپیڈ ڈیزل کی ایکس ریفائنری قیمت 257.78 روپےفی لیٹر ہے، ڈیزل کی قیمت بھی ریکارڈ 335 روپے 86 پیسےفی لیٹرہوگئی،پیٹرول پمپس پرہائی اسپیڈ ڈیزل 335.86 روپے فی لیٹر فروخت ہورہا ہے،ڈیزل پر ڈیویلپمنٹ لیوی،مارجن سمیت 78 روپے فی لیٹر اضافی وصولی کی جارہی ہے۔
دستاویز کےمطابق ڈیزل پر لیوی 76.21 سے کم کرکے 55.24 روپےلیٹرکردی گئی،ہائی اسپیڈ ڈیزل پر بھی او ایم سی، ڈیلراوران لینڈ فریٹ مارجن علاوہ ہیں،پیٹرول اور ڈیزل پر جنرل سیلز ٹیکس کی شرح بدستور صفر ہے۔
