وزیراعظم شہبازشریف نے خواتین پر تشدد کے خاتمے کے عالمی دن پر پیغام میں کہا پاکستان تمام دنیا کے ساتھ مل کر خواتین پر تشدد کے خاتمے کیلئے اپنی آواز بلند کر رہا ہے۔
وزیراعظم شہبازشریف نےکہا اس سال یہ دن "خواتین کے خلاف ڈیجیٹل تشدد کے خاتمے کے لیے متحد" ہونے کے عنوان کے تحت منایا جا رہا ہے ۔ جو جدید دور میں خواتین کو مختلف سطحوں اور پلیٹ فارمز پر تشدد اور ہراساں کئے جانے کی طرف توجہ دلاتا ہے ۔
شہبازشریف کا مزید کہنا تھا خواتین پر تشدد اور ہراسانی کے واقعات کے مکمل خاتمے کے لئے کثیرالجہتی حکمت عملی اپنانے کی ضرورت ہے ۔۔ آئین پاکستان خواتین کی عزت و تکریم کی ضمانت اور برابری کے حقوق فراہم کرتا ہے ۔ پھر بھی ہمارے معاشرے میں خواتین کو بہت سی صورتحال میں امتیازی سلوک کا سامنا کرنا پڑتا ہے ۔
خواتین کو بااختیار بنانے کے پیکج سمیت متعدد اقدامات کئے جا رہے ہیں ۔ میں پاکستان کے تمام شہریوں ، نوجوانوں ، تمام سماجی و مذہبی رہنماؤں اور اساتذہ سے گزارش کرتا ہوں کہ آئیے خواتین پر تشدد کے خلاف اور اس کے خاتمے کے لئے متحد ہو جائیں۔
