برطانوی میڈیا کا کہناہے کہ کلاوڈ فیئر میں تکنیکی خرابی کے باعث مختلف ویب سائٹس، چیٹ جی پی ٹی اور ایکس سمیت متعدد سوشل میڈیا پلیٹ فارمز بند ہو گئے ہیں جن کی بحالی کیلئے کام جاری ہے ۔
برطانوی میڈیا کے مطابق کلاؤڈ فیئر میں تکنیکی خرابی سے ایکس صارفین کو مشکلات کا سامنا ہے ، کلاوڈ فلیئر کمپنی کا کہناہے کہ انٹرنیٹ سروس متاثر ہونے کی اطلاعات سے آگاہ ہیں، مسئلے کو حل کرنے کی کوشش کررہے ہیں۔
کلاوڈ فیئر میں خرابی کے باعث اسٹیٹ بینک،ایس ای سی پی،این سی سی پی ایل ، سی ڈی سی کی ویب سائٹس متاثر ہوئیں ہیں جبکہ پاکستان اسٹاک ایکسچینج میں این ڈی ایم کےسودے تاخیر کا شکار ہوئے ہیں۔
پاکستانی ادارے ویب سائٹ رن اور سائبر سیکیورٹی کیلئے امریکی کمپنی کلاؤڈ فیئر پر انحصار کرتے ہیں۔ سابق چیئرمین چیئرمین پاشا زوہب نے کہا کہ پاکستان کواپنا کلاؤڈ فلیئرسسٹم بنانا چاہئے، پاکستانی آئی ٹی ماہرین میں صلاحیت موجود ہے، حکومت پاکستان سپورٹ کرے تو مقامی کلاؤڈ فیئر تیار ہو سکتاہے۔
پی ٹی اے کا کہناہے کہ ایکس اورکلاؤڈ فلیئر کو متاثر کرنے والی بڑی عالمی سروس بندش کی مسلسل نگرانی کی جارہی ہے، پی ٹی اے عالمی پلیٹ فارمز اور مقامی آپریٹرز کے ساتھ رابطےمیں ہے، سروس کی مکمل بحالی تک صورتحال کا جائزہ لیا جائےگا۔
