صدر مملکت آصف زرداری نے گلگت بلتستان کے یوم آزادی پر تقریب سےخطاب میں کہا گلگت بلتستان ترقی کرے گا تو پاکستان ترقی کرے گا،خطے کو خوشحالی کا مرکز بنائیں گے۔ گلگت بلتستان کو اپنی ایئرلائن ملنی چاہیے۔
صدرمملکت آصف زرداری نےگلگت بلتستان کے یوم آزادی کے موقع پر تقریب سے خطاب میں کہاچین ہمارا دوست اورشراکت دارملک ہے،سی پیک سےخطےمیں ترقی کی نئی راہیں کھلیں،اقتصادی راہداری منصوبےکافیزٹوکامیابی سے اپنے مراحل طے کررہا ہے۔
بھارت میں مسلمانوں پرمظالم انتہاکوپہنچ چکے،مسلم اکثریت کواقلیت میں تبدیل کیاجارہاہے،مقبوضہ کشمیرکی آزادی،وقت کی ضرورت دیرینہ مسئلےکو اقوام متحدہ کی قراردادوں کےمطابق حل ہونا چاہیے۔
وزیراعظم شہبازشریف اپنے پیغام میں کہا یکم نومبر 1947 کو گلگت بلتستان کے عوام نے ڈوگرہ راج سے آزادی حاصل کی،گلگت بلتستان کے بہادر عوام نے حب الوطنی کامظاہرہ کرکے الحاق پاکستان کیا،یہ دن اس عظیم قربانی کی یاد دلاتا ہے جس نے خطے کی تاریخ بدل دی، وفاقی حکومت گلگت بلتستان کی ترقی کے لیے پرعزم ہے۔
گلگت بلتستان کا آج 78 یوم آزادی منایاگیا،گلگت کےعوام نےآج ہی کےدن 1947 کو ڈوگرا راج سے آزادی حاصل کی تھی،72 ہزار مربع کلومیٹرپرمحیط گلگت بلتستان نےیکم نومبر1947کو اُس وقت آزادی حاصل کی جب27 اکتوبر کومہاراجہ کشمیر نےبھارتی افواج کوکشمیر میں اتارا،31 اکتوبر 1947 کی رات گلگت اسکاؤٹس نے صوبیدار میجر راجہ بابرخان کی سربراہی میں گلگت میں مہاراجہ کشمیر کےتعینات گورنر بریگیڈیئر گھنسارا سنگھ کو حراست میں لیا اور یکم نومبرکوگلگت کو مہاراجہ کشمیر اور بھارتی تسلط سے آزاد کرایا۔
گلگت اسکاؤٹس اورمقامی لوگوں کی جدوجہد سےگلگت بلتستان کووفاق پاکستان کےانتظامی کنٹرول میں دےدیا گیا،جو آج تک وفاق کےزیرانتظام پاکستان کا ایک اہم انتظامی یونٹ کے طور پر کام کررہا ہے۔
