نیو اسلام آباد انٹرنیشنل ایئرپورٹ پر چیتا نظر آنےکی اطلاع کے بعد ایئرپورٹ اتھارٹی اور متعلقہ اداروں کا سرچ آپریشن جاری ہے، تاحال چیتے کا سراغ نہیں مل سکا ۔
نیو اسلام آباد انٹرنیشنل ایئرپورٹ اور ملحقہ علاقوں میں چیتے کو تلاش کیا جارہا ہے ۔ چیتے کی ویڈیو سوشل میڈیا پر وائرل ہونےسے شہریوں میں خوف و ہراس پھیل گیا ۔ انتظامیہ کی شہریوں سے افواہیں پھیلانےسے گریز کرنے کی اپیل ۔ ایئر پورٹ حکام کے مطابق چیتا نظر آنے کا واقعہ پچیس اور چھبیس اکتوبر کی درمیانی رات کا ہے ۔ ڈیوٹی پر موجود اے ایس ایف اہلکاروں نے چیتا دیکھا تھا ۔
