لاہور میں اوورسیز پاکستانی کو تشدد کا نشانہ بنانے والے پولیس اہلکار کو گرفتار کرلیا گیا،کانسٹیبل کو معطل کرکے مزید کارروائی بھی شروع کردی گئی۔
پولیس کےمطابق آسٹریلوی شہریت کے حامل شہری پر تشدد کا واقعہ چوبیس اکتوبر کی رات بھاٹی کے گیٹ علاقے میں پیش آیا،چیکنگ کے بہانے شہری کو روکنے والے اہلکار ظہیر نے تکرار کے بعد متاثرہ شہری کو تشدد کا نشانہ بنایا۔
وزیرقانون پنجاب رانا محمد اقبال نے واقعے کی شفاف انکوائری کا حکم دےدیا،متاثرہ شہری کی درخواست پر ڈی آئی جی آپریشن فیصل کامران نے انکوائری کی اور قصور وار ثابت ہونےپراہلکارظہیرکو معطل کرکے گرفتارکرلیا گیا،پولیس حکام کے مطابق اہلکار کے خلاف اختیارات سے تجاوز کا مقدمہ درج کرلیا گیا ہے،مزید محکمانہ کارروائی بھی عمل میں لائی جائے گی۔
