انسداد دہشتگردی عدالت نے خاور مانیکا پر تشدد کے کیس میں پی ٹی آئی کے 4 وکلا کے وارنٹ گرفتاری جاری کردئیے۔ عدالت نے ملزمان کو گرفتار کرکے پیش کرنے کا حکم دیا ہے۔
انسداد دہشتگردی عدالت اسلام آباد کے جج طاہر عباس سپرا نے خاور مانیکا پر تشدد کے کیس کی سماعت کی۔ عدالت نے وکیل نعیم پنجوتھہ، فتح اللہ برکی، انصر کیانی اور علی اعجاز بٹر کے وارنٹ گرفتاری جاری کرتے ہوئے تمام ملزمان کے ضمانتیوں کو بھی نوٹس جاری کردئیے۔
خاور مانیکا پر تشدد کا مقدمہ پی ٹی آئی وکلاء کیخلاف تھانہ رمنا میں دہشت گردی کی دفعات کے تحت درج ہے۔
