پاکستان جنوبی افریقا ٹیسٹ سیریز کے دوسرے ٹیسٹ کےلیے بھی اسپن فرینڈلی وکٹ بنائی جائےگی۔
راولپنڈی اسٹیڈیم میں پاکستان اور جنوبی افریقہ کے درمیان دوسرے ٹیسٹ کے لیے اسپنرز کو مدد دینے والی پچ تیار کی جا رہی ہے،اطلاعات کےمطابق راولپنڈی اسٹیڈیم میں اسپنرز کے لیےسازگار پچ تیارکی جا رہی ہے تاکہ میچ میں بالرز کومددمل سکے۔
پاکستان کرکٹ بورڈ (پی سی بی) کےپچ انچارج گزشتہ تین دنوں سے اس وکٹ کی تیاری میں مصروف ہیں، ان کا کہنا ہےکہ اس بار پچ ایسی بنائی جا رہی ہے جس پر اسپن بولرز کو زیادہ مدد ملے گی اور میچ دلچسپ بنے گا۔
دوسری جانب پی سی بی کے ڈائریکٹر ہائی پرفارمنس عاقب جاوید کل راولپنڈی پہنچیں گے تاکہ پچ اور دیگر انتظامات کا تفصیلی جائزہ لے سکیں۔
پاکستان اور جنوبی افریقہ کی ٹیمیں کل اسلام آباد پہنچیں گی، جہاں وہ دوسرے ٹیسٹ سے قبل ٹریننگ سیشنز میں حصہ لیں گی۔
ٹیسٹ سیریز کا دوسرا میچ 20 اکتوبر سے راولپنڈی کرکٹ اسٹیڈیم میں شروع ہوگا، جس کے لیے شائقینِ کرکٹ بے حد پُرجوش ہیں۔
