ملک میں پیٹرولیم مصنوعات کی قیمتوں میں بڑی کمی کا امکان ہے۔
ذرائع کے مطابق 16اکتوبر سے پیٹرول کی قمیت میں 6روپے 10پیسے فی لیٹر کی کمی متوقع ہے جبکہ ہائی اسپیڈ ڈیزل کی قیمت میں ایک روپے کمی کا امکان ہے۔ مٹی کا تیل 2.75 اور لائٹ ڈیزل 1.64 روپے سستا ہونے کا امکان ہے۔
انڈسٹری نے ورکنگ اوگرا کو بھیج دی، اوگرا کو بھیجی گئی انڈسٹری ورکنگ میں ایکسچینج ایڈجسٹمنٹ شامل نہیں۔ اوگرا کل سمری بھیجے گی، قیمتوں میں ردوبدل کا نوٹیفیکشن وزارت خزانہ جاری کرے گی اگر حکومت نے لیوی ٹیکسز بڑھائے تو ریلیف کم یا ختم ہوسکتا ہے۔
ذرائع کا کہنا ہے کہ یکم اکتوبر سے اب تک پیٹرول کی ایکس ریفائنری قیمت میں 3.76فیصد کمی کے بعد نئی قمیت162.96سے کم ہوکر158.86 روپے پر آگئی۔ ہائی اسپیڈ ڈیزل کی ایکس ریفائنری قمیت میں 0.6فیصد کی معمولی کمی ریکارڈ کی گئی۔ ہائی اسپیڈ ڈیزل کی ایکس ریفائنری قیمت 174.28 سے کم ہوکر 173.31 روپے ہوگئی۔
مٹی کے تیل کی ایکس ریفائنری قمیت میں دو ہفتوں کے دوران 1.8فیصد کی کمی ہوگئی، ایکس ریفائنری قیمت 156.61 روپے سے کم ہوکر 153.86 روپے پر آگئی، لائٹ ڈیزل کی ایکس ریفائنری قیمت میں بھی 1.1فیصد کمی ریکارڈ ہوئی، ایکس ریفائنری قمیت 143.70 روپے سے کم ہوکر 142.06 روپے ہوگئی۔
خیال رہے کہ عالمی مارکیٹ میں پیٹرول اور ڈیزل کی قیمتیں گرگئیں،پیٹرول کی قیمت 76 ڈالر51 سینٹ سےکم ہوکر 73 ڈالر71سینٹ پر آ گئی۔
عالمی مارکیٹ میں پیٹرول کی قیمت میں فی بیرل 2 ڈالر80 سینٹ کمی ریکارڈ کی گئی ہے،پیٹرول پرفی بیرل پریمئم میں 35 سینٹ کمی ہوگئی،پیٹرول کی فی لیٹرقیمت میں 2 سینٹ کمی ہوئی ہے
پیٹرول پرایکسچینج ایڈجسٹمنٹ میں 65 پیسےکمی ریکارڈ کی گئی ہے،پیٹرول پرفی لیٹر کسٹم ڈیوٹی میں 32 پیسے،سمندری ڈیوٹی میں 51 پیسےکمی ہوئی ہے،پیٹرول کی ایکس ریفائنری قیمت میں 6 روپے 19 پیسےکمی ریکارڈ کی گئی ہے،ہائی اسپیڈ ڈیزل پر فی بیرل 74سینٹ کمی،ریفائنری میں37 پیسےکمی ریکارڈ کی گئی ہے۔
