پاکستان کرکٹ ٹیم کے سابق کوچ اور لیجنڈآسٹریلوی بیٹر میتھیوز ہیڈن نے بابراعظم کو نیچرل کپتان قرار دیدیا ۔
ایک انٹرویو میں میتھیو ہیڈن کا کہناتھا کہ بابراعظم نیچرل کپتان ہیں، پی سی بی نے انہیں ہٹانے کا فیصلہ کرنے میں جلدی کی، انہیں کپتان کی تبدیلی پر افسوس اور حیرت ہوئی، انہوں نے مزید کہا کہ پاکستان کو ورلڈکپ 2023 میں مختلف چیلنجز کا سامنا رہا، گرین شرٹس کیلئے کپتانی سے زیادہ ٹیم پرفارمنس اہمیت رکھتی ہے ،
انہوں نے کہا کہ فاسٹ باولر نسیم شاہ انجرڈ تھے ، شاہین کی پرفارمنس پر تشویش تھی اور فخر نے جب پرفارمنس دی تو دیر ہو چکی تھی ، پھر محمد نواز اور شاداب کی پرفارمنس اچھی نہیں رہی ۔ ان کا کہناتھا کہ بابراعظم کی کپتانی پر جس نے بھی فیصلہ کیا اس نے حقائق کو نظر انداز کیا ، اس کی کپتانی کی نسبت بطور کھلاڑی پرفارمنس بہت اچھی ہے ، بطور کپتان بیٹنگ اوسط تقریبا 50 ہے ۔
