قومی ایئرلائن نےسول ایوی ایشن اتھارٹی کی ہدایات نظر انداز کر دیں،سنگین غفلت اور لاپرواہی کے مرتکب چیف انجینئر کو باز پرس کے بجائے ترقی دے دی گئی۔
سول ایوی ایشن اتھارٹی نےپی آئی اے کےانجینئرنگ ڈیپارٹمنٹ میں بےضابطگیوں کی نشاندہی کی تھی۔ خط میں چیف انجینئر بیس مینٹیننس کوقصور وار قرار دیاگیا،سول ایوی ایشن اتھارٹی نےپی آئی اے کو باضابطہ وارننگ بھی جاری کی تھی،اس پرپی آئی اے نےچیف انجینئر سےبازپرس کی بجائے الٹا اسےترقی دے دی۔
ترجمان پی آئی اے کا کاکہنا ہےکہ حفاظتی امور پرکوئی سمجھوتہ نہیں کرتے،ادارے میں میرٹ کی بالا دستی ہے،سول ایوی ایشن اتھارٹی نےکسی افسر کوہٹانےکی سفارش نہیں کی تھی،صرف شعبہ انجینئرنگ کےانتظامی امورمیں مزیدبہتری لانےکی ہدایت کی گئی،مذکورہ افسر کو ترقی میرٹ پر دی گئی ہے،وہ گزشتہ ایک سال سے اس عہدے پر قائم مقام کی حیثیت سے کام کر رہے تھے۔
