اسلام آباد ہائی کورٹ کے جسٹس طارق محمود جہانگیری نے عدالتی کام سے روکے جانے کے فیصلے کو سپریم کورٹ میں چیلنج کردیا۔ جسٹس جہانگیری نے اپنا کیس خود لڑنے کا فیصلہ بھی کر لیا۔
سپریم کورٹ میں دائر درخواست میں جسٹس طارق محمود جہانگیری نے مؤقف اختیار کیا ہے کہ جج کو کام سے روکنے کی درخواست ہائیکورٹ میں قابل سماعت نہیں، جج کو صرف آرٹیکل 209 کے تحت کام سے روکا جا سکتا ہے۔ رجسٹرار سپریم کورٹ نے جسٹس طارق محمود جہانگیری کی اپیل کو اپیل کوڈائری نمبر23409 الاٹ کردیا۔
دوسری جانب جسٹس طارق محمود جہانگیری نے اسلام آباد ہائیکورٹ کے دیگر 4 ججز کےساتھ مل کر چیف جسٹس سرفراز ڈوگر کے انتظامی اختیارات کیخلاف بھی درخواست دائر کردی۔ پانچوں ججز نے آرٹیکل 184 تین کے تحت درخواست دائر کی ہے۔
