وزیر پیٹرولیم علی پرویز ملک کا کہنا ہے کہ ایندھن کی سپلائی چین کو ڈیجیٹلائز کرنے سے شفافیت بڑھے گی۔ اوگرا کو تمام اسٹیک ہولڈرز کیلئے یکساں مواقع اور مضبوط انفورسمنٹ میکانزم فراہم کرنے کی ہدایت کردی۔
وزیر پیٹرولیم علی پرویز ملک نے اوگرا ہیڈ آفس کا دورہ کیا جہاں وفاقی وزیر کو انفورسمنٹ اور ڈیجیٹلائزیشن کے جاری عمل پر بریفنگ دی گئی۔ علی پرویز ملک کا کہنا تھا اوگرا پیٹرولیم سیکٹر کی پائیداری کے تحفظ کو یقینی بنائے۔
علی پرویز ملک نے کہا کہ شفافیت بڑھانے اور خامیاں دور کرنے کیلئے تیل کی سپلائی چین کی ڈیجیٹلائزیشن ضروری ہے۔ وفاقی وزیر کوآئل سپلائی چین کی ڈیجیٹلائزیشن پر پیش رفت پر بریفنگ دی گئی۔ انہوں نے کہا تمام اسٹیک ہولڈرز کیلئے یکساں مواقع اور مضبوط انفورسمنٹ میکانزم مہیا کیا جائے۔
چیئرمین اوگرا مسرور خان کا کہنا تھا کہ اوگرا آرڈیننس کو مکمل نافذ کریں گے۔ پالیسی سازی میں وفاقی حکومت کے ساتھ مکمل تعاون کر کے سیکٹر کے استحکام کو یقینی بنائیں۔
