اگست کی فیول پرائس ایڈجسٹمنٹ کے تحت سی پی پی اے نے نیپرا میں بجلی مہنگی کرنے کی درخواست جمع کرا دی۔
سنٹرل پاور پرچیزنگ ایجنسی نے اگست کی فیول پرائس ایڈجسٹمنٹ کی مد میں 19 پیسے فی یونٹ بجلی مہنگی کرنے کی درخواست دائر کی ہے۔ درخواست کے مطابق اگست میں 14 ارب 22 کروڑ یونٹس بجلی پیدا کی گئی جبکہ 13 ارب 71کروڑ 50 لاکھ یونٹس بجلی ڈسکوز کو فراہم کی گئی۔
ڈسکوز کو دی جانے والی بجلی کی لاگت ساڑھے 7 روپے فی یونٹ رہی۔ اگست کے لیے ریفرنس لاگت 7 روہے 31 پیسے فی یونٹ مقرر تھی۔
فیول پرائس ایڈجسٹمنٹ کا اطلاق کے الیکٹرک صارفین پر بھی ہوگا۔نیپرا اتھارٹی سی پی پی اے کی اس درخواست پر 29 ستمبر کو سماعت کرے گی۔
