اسرائیلی فوج کی جانب سے غزہ کے دو بڑے اسپتالوں پر حملوں میں 19 فلسطینی شہید ہوگئے۔
صہیونی فورسزکی جانب سے غزہ کےالشفاء اسپتال پربمباری سے15اور الاہلی اسپتال پرحملےمیں 4 شہادتیں ہوئیں،غزہ میں صرف الاہلی اور الشفاء اسپتال ہی طبی امدادفراہم کر رہےہیں۔
اسرائیلی فورسز نے 150مقامات پربمباری کی،2 دن میں 25 رہائشی عمارتیں تباہ ہوئیں، غزہ سٹی کے جنوب میں درجنوں ٹینک زمینی کارروائی کیلئے موجود ہیں،ٹینکوں کی الشفا اسپتال پر گولا باری سے مزید 98 فلسطینی شہید، مجموعی تعداد 65 ہزار سے بڑھ گئی۔
سعودی عرب نے اسرائیل کے زمینی آپریشن کی مذمت کرتے ہوئےعالمی برادری سے ایکشن لینے کا مطالبہ کر دیا،قطر نے اسرائیلی اقدام کو ناقابل قبول قرار دیا۔
ترکیہ کےصدر رجب طیب اردوان نےکہا بیت المقدس مسلمانوں کا مقدس شہرہے،اسے ناپاک ہاتھوں میں جانے کی اجازت نہیں دیں گے۔
حماس کےسینئر رہنما غازی حمد قطرحملے کے بعد منظر عام پر آگئے،الجزیرہ ٹی وی کو انٹرویو میں اسرائیل کےخلاف مزاحمت جاری رکھنے کا اعلان کردیا
