اوگرا نے ستمبر کیلئے درآمدی آر ایل این جی کی قیمتوں کا تعین کردیا ہے، اگست کی نسبت ستمبر کیلئے درآمدی ایل این جی مہنگی کردی گئی ۔
تفصیلات کے مطابق آر ایل این جی کی قیمتوں میں 28 سینٹ فی ایم ایم بی ٹی یواضافہ کیا گیاہے ، سوئی سدرن کیلئے نئی قمیت 11 ڈالر 1سینٹ فی ایم ایم بی ٹی یو مقرر کر دی گئی ہے ، اگست میں سوئی سدرن کیلئے قیمت 10 ڈالر 73 سنیٹ فی ایم ایم بی ٹی یوتھی ۔
سوئی نادرن کیلئے آرایل این جی کی قیمتوں میں بھی 28 سینٹ اضافہ کیا گیاہے ، ستمبر کیلئے قیمت 12.01 ڈالر فی ایم ایم بی ٹی یو مقرر کر دی گئی ، اگست میں سوئی نادرن کیلئے قیمت 11 ڈالر 73 سینٹ فی ایم ایم بی ٹی یومقررتھی ، سوئی نادرن کیلئے 2.38 فیصد، سوئی سدرن کیلئے2.63فیصد مہنگی ہوگئی ۔
