جدہ،سعودی عرب کے قریب سمندری انٹرنیٹ کیبلز میں خرابی پیدا ہوگئی۔
ترجمان پی ٹی سی ایل کےمطابق جدہ سعودی عرب کے قریب سمندر میں سب میرین کیبلز کٹنے کے باعث ایس ایم ڈبلیو 4 اورآئی ایم ای ڈبلیو ای کی بینڈوڈتھ جزوی طور پرمتاثر ہے، ہمارے بین الاقوامی شراکت دار ادارے مسئلے کو ترجیحی بنیادوں پرحل کر رہےہیں۔
ترجمان کا کہنا ہےکہ پاکستانی صارفین کومصروف اوقات میں سروس کے معیار میں معمولی کمی کا سامنا ہوسکتاہے،پی ٹی سی ایل کی مقامی ٹیمیں متبادل بینڈوڈتھ کا انتظام کر رہی ہیں،ہم صارفین کے صبر و تحمل کیلئے ان کے شکر گزار ہیں۔
پی ٹی سی ایل کی جانب سے کہا گیا ہےکہ ہماری مقامی ٹیمیں متبادل بینڈوڈتھ کا انتظام کر رہی ہیں، تاکہ صارفین پر اس تعطل کے اثرات کو کم سے کم کیا جا سکے۔
