وزیراعلیٰ پنجاب مریم نوازشریف نے سیلاب میں ہونے والے نقصانات کا تخمینہ لگانے کا حکم دیدیا، ڈپٹی کمشنر ز کو ہدایت کی کہ سیلاب زدہ علاقوں میں نقصانات کا سروے کروائیں، فلڈ ریلیف کیمپوں میں پینے کا صاف پانی فراہم کریں ۔
تفصیلات کے مطابق مریم نواز کا کہناتھا کہ فلڈریلیف کیمپوں اور ہر ٹینٹ سٹی میں مچھر مار اور جراثیم کش اسپرے کیا جائے ۔ وزیراعلیٰ نے ایڈیشنل چیف سیکرٹری ساؤتھ کو جنوبی پنجاب کے سیلاب زدہ علاقوں کے متاثرین کیلئے بہترین انتظامات کرنے کی ہدایت کی جبکہ ایڈیشنل چیف سیکرٹری ساؤتھ سے ریسکیو اور ریلیف کی رپورٹ بھی طلب کرلی۔
مریم نواز نے کہا کہ ریلیف کیمپ میں مقیم متاثرہ خاندانوں بالخصوص خواتین اور بچوں کو جوتے،کپڑے اور ضروری اشیا فراہم کی جائیں ، لوگ بے سروسامانی کی حالت میں گھروں سے نکلے ہیں،تنہاء نہیں چھوڑ سکتے، پانی اترنے کے بعد بیماریاں پھیلنے کا اندیشہ ہے،اس چیلنج کیلئے پیشگی اقدامات کرنے ہوں گے۔
وزیراعلیٰ پنجاب نے سیلاب متاثرہ علاقوں میں کلینک آن ویل، فیلڈاسپتال کی تعداد کو بڑھانے،دوردراز علاقوں تک رسائی یقینی بنانے کا حکم جاری کر دیا ۔
مریم نواز نے سیلاب زدہ علاقوں میں وزٹ کیلئے گائنی،گیسٹرو اور سکن سپیشلسٹ کی موبائل ٹیمیں تشکیل دینے کی ہدایت کر دی جبکہ سیلاب زدہ علاقوں میں ڈیوٹی سرانجام دینے والے ڈاکٹر ز،پیرا میڈکل سٹاف اوردیگر عملے کیلئے خصوصی الاؤنس کا اعلان بھی کر دیا ۔
وزیراعلیٰ نے کہا کہ سیلاب متاثرین کو ان کی ضرورت اور سہولت کے مطابق رہنے کیلئے ٹینٹ اور جگہ فراہم کرنے کی جائے ۔ سیلاب زدہ علاقوں میں کسانوں کیلئے ایگری کلچر انٹرنز کی خدمات حاصل کرنے کا فیصلہ کر لیا ۔
مریم نواز سیلاب متاثرہ علاقوں میں مویشیوں کیلئے بھرپور چارے اور ویکسی نیشن کی فراہمی کی ہدایات جاری کر دیں اور کہا کہ مویشیوں کو بیماریوں سے بچانے کیلئے ویکسی نیشن اوردیگر اقدامات بروئے کار لائے جائیں ۔
انہون نے فلڈر یلیف کیمپوں میں مقیم افراد کو ملیریا وغیرہ سے بچانے کیلئے مچھر مار سپرے کرنے کی ہدایت کی اور کہا کہ فلڈریلیف کیمپوں میں مقیم افراد کو ضرورت کی ہر چیز میسر ہونے چاہیے، فلڈ ریلیف کیمپوں میں مقیم افراد کی صحت پہلی ترجیح ہے، فلڈ ریلیف کیمپوں کی صفائی اوردیگر امور پر خصوصی توجہ دی جائے۔
