بدھنی نالہ پشاور میں درمنگی کے مقام پر اونچے درجے کا سیلاب ہے۔ نالے سے پانی کا اخراج 16 ہزار 142 کیوسک تک پہنچ گیا۔ پشاور کے رہائشی علاقے ورسک روڈ، درمنگی اور ریگی لارما زیر آب آنے کا خطرہ ہے۔
بدھنی نالہ پشاور میں اونچے درجے کی سیلابی صورتحال ہے جس پر این ڈی ایم اے کی جانب سے الرٹ جاری کر دیا گیا۔ این ڈی ایم اے کے مطابق درمنگی میں بدھنی نالہ کا اخراج 16 ہزار 142 کیوسک تک پہنچ گیا جو اونچے درجے کا سیلاب ہے۔
سیلابی صورتحال سے پشاور کے رہائشی علاقے ورسک روڈ،درمنگی اور ریگی لارما زیر آب آنے کا خطرہ ہے۔ ریسکیو اور مقامی انتظامیہ کسی بھی صورتحال سے نمٹنے کے لیے ہائی الرٹ ہے۔ نشبیی علاقوں کے رہائشیوں کو حفاظتی اقدامات یقینی بنانے اور بجلی کے کھمبوں کے علاوہ زیر آب سڑکوں سے دور رہنے کی ہدایت کی گئی ہے۔
