اگست کے مہینے میں مہنگائی کی شرح میں 0.65 فیصد کی ریکارڈ کی گئی، پھل، سبزیاں، چینی، بجلی کی قمت اور ٹرانسپورٹ کرایوں میں کمی ہوئی۔
وفاقی ادارہ شماریات کا کہنا ہے کہ اگست کے مہینے میں مہنگائی کی شرح میں 0.65 فیصد کمی ریکارڈ کی گئی، گزشتہ ماہ مہنگائی کی شرح 2.99 فیصد رہی۔
ایف بی ایس رپورٹ کے مطابق وزارت خزانہ کا مہنگائی 4 سے 5 فیصد کے درمیان رہنے کا تخمینہ تھا، جولائی تا اگست مہنگائی کی اوسط شرح 3.53 فیصد رہی۔
وفاقی ادارہ شماریات کے اعداد و شمار کے مطابق گزشتہ ماہ ٹماٹر 19.3 فیصد اور پیاز 14.46 فیصد مہنگا ہوا، ایک ماہ میں انڈے 12.84 فیصد، چکن 4.16 فیصد مہنگی ہوئی، اسپتال سروسز، تعلیم، لانڈری اور ڈاکٹر فیس میں بھی اضافہ ہوا۔
رپورٹ میں بتایا گیا ہے کہ ایک ماہ میں پھل 21.16 فیصد اور سبزیاں 18.48 فیصد تک سستی ہوئیں، چینی کی قیمت میں بھی 5.49 فیصد تک کمی آئی، موٹر فیول، بجلی اور ٹرانسپورٹ کرایوں میں بھی کمی ریکارڈ کی گئی۔
