فیلڈ مارشل سید عاصم منیر نے سول و عسکری اداروں کے تعاون کو بلوچستان کے مسائل کے حل کے لیے ضروری قرار دے دیا۔
پاک فوج کےشعبہ تعلقات عامہ (آئی ایس پی آر) کےمطابق فیلڈمارشل سیدعاصم منیر نےبلوچستان تربت کادورہ کیا،بلوچستان آمد پرفیلڈمارشل کا استقبال کور کمانڈربلوچستان نےکیا،فیلڈمارشل کوفتنہ الہندوستان کیخلاف کامیاب آپریشنزپربریفنگ دی گئی،اس کےعلاوہ جنوبی بلوچستان میں جاری ترقیاتی منصوبوں پر بھی بریفنگ دی گئی۔
اس موقع پرفیلڈمارشل عاصم منیر نےگڈگورننس اورعوام دوست ترقی پر زوردیتےہوئےکہا بلوچستان کے عوام کی امن وخوشحالی کیلئےپاک فوج ہمیشہ شانہ بشانہ ہے،سول اورملٹری اداروں کی مشترکہ کاوشوں سےہی مسائل حل ہونگے،پاک فوج ہرحال میں ملکی خودمختاری کےتحفظ کے لیے پرعزم ہے۔
سپاہیوں سےگفتگو میں فیلڈ مارشل نے ان کے بلند حوصلے، آپریشنل تیاری اور مادرِ وطن کے دفاع کے عزم کو سراہا۔ان کا کہنا تھا کہ مشکل حالات کے باوجود جوانوں نے خطے میں امن قائم رکھنے میں کلیدی کردار ادا کیا ہے۔
آئی ایس پی آر کےمطابق دورےکا مقصد سیکیورٹی صورتحال اور ترقیاتی اقدامات کا جائزہ تھا۔ اس موقع پر وزیراعلیٰ بلوچستان اور چیف سیکرٹری بلوچستان سمیت دیگر حکام بھی موجود تھے۔
