چین کے صوبے ہینان سے تعلق رکھنے والی 15 سالہ لڑکی نی نی کے معدے سے ڈاکٹروں نے 2 کلوگرام وزنی بالوں کا گچھا نکال لیا۔
رپورٹس کے مطابق یہ بال لڑکی کی 6 سال سے جاری عادت کے نتیجے میں جمع ہوئے تھے جس کے دوران وہ اپنے بال نگلتی رہی۔
نی نی شدید پیٹ درد اور خون کی کمی (انیمیا) کے باعث چلڈرن اسپتال لائی گئی جہاں وہ کھانا کھانے سے بھی قاصر تھی۔
معائنے سے پتہ چلا کہ اس کے معدے میں بالوں اور کھانے کے ذرات کا ایک بڑا گولا بن چکا تھا جو معدے کے بیشتر حصے کو گھیرے ہوئے تھا۔
سرجری کے دوران ڈاکٹروں نے دیکھا کہ اس کا معدہ عام سائز سے دگنا پھول چکا تھا۔
کامیاب آپریشن کے بعد بالوں کا گچھا نکال لیا گیا اور پانچ دن بعد نی نی نے دوبارہ کھانا شروع کر دیا۔
چیک اپ میں اس کی مکمل صحتیابی کی تصدیق ہوئی۔
اسپتال سے رخصتی کے وقت نی نی نے ڈاکٹروں کا شکریہ ادا کرنے کے لیے مٹھائیوں سے بنا گلدستہ پیش کیا۔
ماہرین نے بتایا کہ یہ حالت Trichophagia کہلاتی ہے جس میں مریض غیر غذائی اشیاء جیسے بال یا شیشہ کھانے لگتے ہیں۔
ڈاکٹروں نے والدین کو متنبہ کیا کہ اگر بچے ایک ماہ سے زیادہ عرصے تک ایسی عادات ترک نہ کریں تو فوری طور پر طبی معائنہ کرائیں۔
